GE

გორის სახელმწიფო უნივერსიტეტში III საუნივერსიტეტთაშორისო სამეცნიერო კონფერენცია „სამართლის აქტუალური საკითხები“ ჩატარდა

2020 წლის 7 თებერვალს გორის სახელმწიფო სასწავლო უნივერსიტეტის პრაქტიკული სამართლის კლინიკისა და სოციალურ მეცნიერებათა კათედრის ორგანიზებით ჩატარდა სტუდენტთა მესამე საუნივერსიტეტთაშორისო სამეცნიერო კონფერენცია – „სამართლის აქტუალური საკითხები“.

კონფერენცია გახსნა გორის სახელმწიფო სასწავლო უნივერსიტეტის რექტორმა, პროფესორმა გიორგი სოსიაშვილმა. დამსწრე საზოგადოებას მიესალმნენ: სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანი, პროფესორი მარიკა შერაზადიშვილი, პრაქტიკული სამართლის კლინიკისა და სოციალურ მეცნიერებათა კათედრის ხელმძღვანელი ივანე ბალახაშვილი.

გორის სახელმწიფო სასწავლო უნივერსიტეტიდან, ივანე ჯავახიშვილის სახელობის თბილისის სახელმწიფო უნივერსიტეტიდან, სამცხე-ჯავახეთის სახელმწიფო უნივერსიტეტიდან, აღმოსავლეთ ევროპის უნივერსიტეტიდან და შავი ზღვის საერთაშორისო უნივერსიტეტიდან 27-მა ავტორმა/თანაავტორმა კონფერენციაზე წარმოადგინა 23 მოხსენება.

დასასრულს, მონაწილეებს გადაეცათ სერტიფიკატები.

დასვით კითხვა და მიიღეთ პასუხი - ედუს საცნობარო სამსახური
გორის სახელმწიფო სასწავლო უნივერსიტეტი