გორის უნივერსიტეტში პროექტის „აღმოაჩინე ევროკავშირი ასოცირების შეთანხმებაში“ ფარგლებში გაცნობითი ხასიათის შეხვედრა შედგა

2020 წლის 23 ოქტომბერს, JEAN MONNET MODULE-ის ფარგლებში – „აღმოაჩინე ევროკავშირი ასოცირების შეთანხმებაში“ – შედგა სამუშაო და გაცნობითი ხასიათის შეხვედრა გორის სახელმწიფო სასწავლო უნივერსიტეტში.

უნივერსიტეტის რექტორმა გიორგი სოსიაშვილმა უნივერსიტეტის ადმინისტრაციულ პერსონალთან განიხილა მოდულის სამომავლო შესრულების ასპექტები და მოდულის პრეზენტაციის ორგანიზების ასპექტები.

შეხვედრას ესწრებოდნენ უნივერსიტეტის ვიცე-რექტორი ალექსანდრე მღებრიშვილი, მოდულის კოორდინატორი ეკატერინე ქარდავა, საერთაშორისო ურთიერთობათა დეპარტამენტის უფროსი  ზურა ზურაბაშვილი, სასწავლო პროცესის მართვის სამსახურის უფროსი ციური დურული, იურიდიული სამსახურის უფროსი დავით კვერნაძე.