„პირბადის ტარება გამოცდის დროს რთულია, თუმცა გადაწყვეტილება საერთაშორისო პრაქტიკაზე დაყრდნობით იქნება მიღებული“ – ანრი ოხანაშვილი
![](https://edu.aris.ge/news/wp-content/uploads/2020/06/123-458x257.png)
საქართველოს პარლამენტმა პირბადის ტარების სავალდებულო წესთან დაკავშირებით საკანონმდებლო ცვლილებები მესამე მოსმენით დაამტკიცა.
პლენარულ სხდომაზე, საკანონმდებლო ცვლილებების ინიციატორი, იურიდიული კომიტეტის თავმჯდომარე ანრი ოხანაშვილი აბიტურიენტების მიერ გამოცდებზე პირბადის სავალდებულო ტარების თემასაც შეეხო და აღნიშნა, რომ მთავრობის მხრიდან გადაწყვეტილება საერთაშორისო საუკეთესო პრაქტიკაზე დაფუძნებით იქნება მიღებული.
“აბიტურიენტებთან მიმართებაში იყო შეკითხვა, თუ როგორ მოუწევთ მათ ერთიანი ეროვნული გამოცდების ჩაბარება. რა თქმა უნდა, აქ უნდა იყოს დისტანცია დაცული, თუმცა ისიც ვიცით ძალიან კარგად, რომ გამოცდის ჩაბარების დროს არ იქნება კომფორტული რამდენიმე საათის განმავლობაში პირბადის ტარება, თუმცა საერთაშორისო საუკეთესო პრაქტიკაზე დაფუძნებით იქნება გადაწყვეტილება მიღებული. ჩვენი მხრივ, მთავრობა მუშაობს ექსპერტებთან ერთად და შევქმნით გარემოს, რომელიც ხელს შეუწყობს აბიტურიენტებს კომფორტულ გარემოში ჩააბარონ ერთიანი ეროვნული გამოცდები“, – განაცხადა ანრი ოხანაშვილმა.
2020 წლის ერთიანი ეროვნული გამოცდები 6 ივლისს დაიწყება და აბიტურიენტებისთვის 25 ივლისის ჩათვლით გაგრძელდება. ამ დროისთვის გადაწყვეტილია რომ საგამოცდო სესიის დროს აბიტურიენტს პირბადე აუცილებლად უნდა ეკეთოს, კონდიციონერები კი, გამოცდის მიმდინარეობისას არ ჩაირთვება.
ა.წ.
-
თუ მისაღებ გამოცდებზე ლიტერატურას აბარებთ – როგორი უნდა იყოს თქვენი პასუხები და რა უნდა გაიაზროთ by სიახლეები მისაღებ გამოცდებზე
-
სად და როგორ გაიგებენ აბიტურიენტები პირველად შედეგებს და როგორ უნდა გაასაჩივროთ ქულა by სიახლეები მისაღებ გამოცდებზე
-
„დიდი სამუშაოები ჩატარდება, რომ სასკოლო სახელმძღვანელოები მაქსიმალურად იყოს მორგებული სახელმწიფო ინტერესებზე“ by ARIS.GE-განათლება