როდის დასრულდება პირველკლასელების კომპიუტერებით უზრუნველყოფა? – ESIDA-მ კონკრეტული თარიღი დაგვისახელა
2021-2022 სასწავლო წელი პირველკლასელი მოსწავლეებისთვის 4 ოქტომბერს საკლასო ოთახებში დაიწყო. პროგრამის, ჩემი პირველიკომპიუტერი ფარგლებში, საქართველოს მასშტაბით ყველა პირველკლასელს საჩუქრად უნდა გადაეცეს ლეპტოპი. თუმცა, როგორც EDU.ARIS.GE-სთვის გახდა ცნობილი საქართველოს რეგიონების ნაწილში არსებული სკოლები ჯერ არც უზრუნველყოფილი არიან პირველკლასელთა კომპიუტერებით და არც ინფორმირებული, თუ როდის დაურიგდებათ პირველკლასელთა კუთვნილი კომპიუტერები.
EDU.ARIS.GE ინფორმაციის დაზუსტებას განათლების სამინისტროს შესაბამის სამსახურთან შეეცადა და როგორც სსიპ საგანმანათლებლო და სამეცნიერო ინფრასტრუქტურის განვითარების სააგენტოში (ESIDA) გვითხრეს, კომპიუტერებით უზრუნველყოფის პროცესი ახლაც გრძელდება და 20 ოქტომბრისთვის კუთვნილ კომპიუტერს აბსოლუტურად ყველა პირველკლასელი მიიღებს.
შეგახსენებთ, რომ პანდემიით გამოწვეული პრობლემების გამო, კომპიუტერების შეძენის პროცესი, განათლების სამინისტროს განცხადებით, გართულებული იყო, რამაც წარჩინებული მოსწავლეებისთვის გადასაცემი კომპიუტერების დაგვიანებაც განაპირობა.
ასევე იხილეთ:
-
VII–XII კლასების მათემატიკის მასწავლებლის გამოცდის წინ საკითხავი – სპეციალისტის მითითებები გამოსაცდელებს
by ARIS.GE-განათლება
-
„თუ ასეთი აბიტურიენტები მაინც ხდებიან სტუდენტები, უნივერსიტეტში სწავლას ვეღარ ახერხებენ“ – სპეციალისტი
by სიახლეები მისაღებ გამოცდებზე
-
გამოქვეყნდა 2026 წლის ერთიან ეროვნულ გამოცდებზე გამოყენებული ტესტი ქიმიაში
by სიახლეები მისაღებ გამოცდებზე