საქართველოს Horizon Europe-ში ასოცირების საერთაშორისო შეთანხმებას ხელი მოეწერა

საქართველოს ევროკავშირის კვლევისა და ინოვაციის ახალ ჩარჩო პროგრამა Horizon Europe-ში ასოცირების საერთაშორისო შეთანხმებას ბრიუსელში საზეიმოდ მოეწერა ხელი.
შეთანხმების საფუძველზე საქართველოს უნივერსიტეტებსა და სამეცნიერო-კვლევით ინსტიტუტებს შეეძლებათ, უხელმძღვანელონ მსხვილ საერთაშორისო სამეცნიერო კონსორციუმებს, ევროპელ კოლეგებთან თანამშრომლობით შეიმუშაონ და განახორციელონ საერთაშორისო სადოქტორო პროგრამები.
განათლების სამინისტროს 7 დეკემბრის ინფორმაციით, შეთანხმების გაფორმებით საქართველოს სამეცნიერო და ინოვაციების სფეროს საზოგადოებას ახალი შესაძლებლობებისკენ ეხსნება გზა. Horizon Europe-ის პროგრამის კონკურსებში საქართველოს წარმომადგენლები ისარგებლებენ ზუსტად იმავე პირობებითა და უფლებებით, რითაც ევროკავშირის ქვეყნების სამეცნიერო და ინოვაციების სფეროს წარმომადგენლები სარგებლობენ. ქართველ მეცნიერებს შეუძლიათ მონაწილეობა მიიღონ 95.5 მილიარდი ევროს ბიუჯეტის მქონე კვლევისა და ინოვაციის პროგრამის ფარგლებში გამოცხადებულ კონკურსებში.
ხელშეკრულების გაფორმების შემდეგ საქართველოში უახლოეს მომავალში გაიხსნება “Horizon Europe”-ის ეროვნული ოფისი, რომლის ფუნქცია იქნება ევროკავშირსა და საქართველოს სამეცნიერო საზოგადოებას შორის მედიაცია და კოორდინირებული მუშაობის უზრუნველყოფა.
საქართველოს მხრიდან დოკუმენტს ხელი მოაწერეს განათლებისა და მეცნიერების მინისტრმა, მიხეილ ჩხენკელმა, ხოლო ევროკომისიის მხრიდან ინოვაციის, კვლევების, კულტურის, განათლებისა და ახალგაზრდობის საკითხებში ევროკომისარმა მარია გაბრიელმა.
-
3 მილიონიანი სამეცნიერო გრანტების ახალი კონკურსი გამოცხადდა – დეტალები by საქართველოს განათლებისა და მეცნიერების სამინისტრო
-
განათლების სამინისტრო: უმაღლესი საგანმანათლებლო პროგრამების კლასტერული აკრედიტაცია იწყება by საქართველოს განათლებისა და მეცნიერების სამინისტრო
-
განათლების მინისტრი ერთიანი ეროვნული გამოცდების მონაწილეებს მიმართავს by საქართველოს განათლებისა და მეცნიერების სამინისტრო