სკოლაში „ფინანსური წიგნიერების“ სწავლება დაიწყება – სიახლე მე–7, მე–8, მე–9 კლასებში

საბაზო საფეხურის ეროვნულ სასწავლო გეგმაში, რომლის რევიზიაც განათლების სამინისტროში ამ ეტაპზე მიმდინარეობს, სხვადასხვა ცვლილებები შედის. როგორც ეროვნული სასწავლო გეგმების სამმართველოს ხელმძღვანელი EDU.ARIS.GE-სთან ინტერვიუში ამბობს, მათ შორისაა სკოლაში „ფინანსური წიგნიერების“ შეტანა.

„ვთანამშრომლობთ საქართველოს ეროვნულ ბანკთან. გვინდა, რომ ფინანსური წიგნიერება შემოვიდეს სკოლებში სერიოზულად. ეს არ იქნება არანაირად რთული რაღაც, არამედ ძალიან ყოფითი და პრაქტიკული დანიშნულების. ეს კომპონენტი შევა სამოქალაქო განათლებაში მე–7, მე–8 და მე–9 კლასში. ისწავლიან იგივე ბანკებთან ურთიერთობის საკითხებს – რა არის სესხი, რა არის პროცენტი, რასაც შემდეგ ისინი ყოველდღიურ ცხოვრებაში შეხვდებიან. ბავშვებმა უნდა გააკეთონ ძალიან გააზრებული არჩევანი, რომ თუკი სწორი დამოკიდებულება გექნება, შეიძლება, რომ სარგებელიც კი მიიღო ბანკისგან“, – განაცხადა მარიამ ჩიქობავამ.

EDU.ARIS.GE მარიამ ჩიქობავასთან ვრცელ ინტერვიუს ეროვნული სასწავლო გეგმების დამუშავების პროცესის შესახებ უახლოეს მომავალში შემოგთავაზებთ.

მე–10–12 კლასებში მოსწავლეთა შეფასების სისტემა შეიცვლება – ლია გიგაური