სკოლების სრულად გახსნის თარიღი უცნობი რჩება – განისაზღვრა რა შემთხვევაში იქნება შესაძლებელი სასწავლო პროცესის განხორციელება
„იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილებაში ცვლილებები შევიდა, სადაც საგანმანათლებლო დაწესებულებების შესახებ ახალი ჩანაწერი გაჩნდა. დოკუმენტში აღნიშნულია, რომ COVID-19-ის თავიდან აცილების მიზნით, ქვეყანაში უნდ შეჩერდეს სკოლამდელი განათლების განხორციელება. სხვა საგანმანათლებლო დაწესებულებებმა კი პროცესი შეიძლება განაახლონ მხოლოდ ჯანდაცვის სამინისტროს რეკომენდაციების შესაბამისად. დოკუმენტში კონკრეტულ თარიღებზე საუბარი არაა.
„ადრეული აღზრდისა და განათლების მომსახურების ან/და სკოლამდელი აღზრდისა და განათლების მომსახურების მიწოდების ან/და სასკოლო მზაობის პროგრამების განხორციელება შეჩერდეს. დანარჩენმა საგანმანათლებლო დაწესებულებებმა სასწავლო პროცესი უნდა განახორციელონ „სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანების შესაბამისად.
„საგანმანათლებლო დაწესებულებებში სასწავლო პროცესის განხორციელება დასაშვებია მხოლოდ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტის უშუალოდ ან ამ წესის მე-9 მუხლის მე-2 და მე-3 პუნქტებით განსაზღვრული უწყებების დახმარებით განხორციელებული შემოწმების შედეგად სამუშაო ადგილებზე საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს რეკომენდაციების შესრულებაზე გაცემული დადებითი დასკვნის საფუძველზე”, -ვკითხულობთ მთავრობის დადგენილებაში.
მთავრობის საკოორდინაციო საბჭოს გადაწყვეტილებით, 4 ნოემბრიდან ქვეყნის დიდ ქალაქებში სასწავლო პროცესი სრულად დისტანციურ რეჟიმზე დაბრუნდა, რეგიონების ნაწილში კი, სწავლება საკლასო ოთახებში მიმდინარეობს.
-
რა აქვს სათქმელი პრემიერ-მინისტრისა და განათლების მინისტრისთვის სასკოლო მათემატიკის 50-მდე დამხმარე სახელმძღვანელოს ავტორს – მიმართვა
by ARIS.GE-განათლება
-
ეროვნული და სამაგისტრო გამოცდების გარეშე უნივერსიტეტში ჩარიცხვის ახალი წესი დამტკიცდა – ვის მოუწევს ზოგადი უნარების ტესტის წერა
by ARIS.GE-განათლება
-
თბილისის მერია განათლების მიმართულებით 325 მილიონამდე ლარს დახარჯავს – პრიორიტეტული პროგრამები 2027 წლის ბიუჯეტის პროექტში
by ARIS.GE-განათლება