GE
4 ნოემბრიდან 25 ნოემბრამდე დიდ ქალაქებში სასწავლო პროცესი მოსწავლეებისთვის სრულად დისტანციურ რეჟიმში გადადის

“სასწავლო პროცესის განახლების გრაფიკი იცვლება და 4 ნოემბრიდან 25-ნოემბრამდე ისეთ დიდ ქალაქებში, როგორიც არის თბილისი, ქუთაისი, რუსთავი, თელავი, ზუგდიდი, ზესტაფონი, აჭარა, გორი, ფოთი, მარნეული და გარდაბანი, პირველიდან მეთორმეტე კლასის ჩათვლით, სასწავლო პროცესი გადავა სრულად დისტანციურ ფორმატზე”, – განაცხადა განათლების მინისტრის მოადგილე ეკატერინე დგებუაძემ საკოორდინაციო საბჭოს სხდომის დასრულების შემდეგ.

როგორც მინისტრის მოადგილემ განმარტა, საკოორდინაციო საბჭოს გადაწყვეტილებით, ერთი მიმართულება, რაზეც დღეს იმსჯელეს ასევე არის საარჩევნო უბნები, რომელიც განთავსებულია სკოლები და იქაც სასწავლო პროცესი 4 ნოემბრიდან ისევ უნდა განახლებულიყო.

“ერთი საკითხი იყო სკოლები სადაც საარჩევნო უბნები იყო განთავსებული და მეორე დიდ ქალაქებში მობილობის პრევენცია. ეს გადაწყვეტილება ხელს შეუწყობს არ გამწვავდეს მეტად ამ ქალაქებში ეპიდსიტუაცია. ეს ქალაქები სრულად გადავა დისტანციურ სწავლებაზე, როგორც საჯარო, ისე კერძო სკოლები“,- განაცხადა დგებუაძემ.

ვიცე-პრემიერ მაია ცქიტიშვილის განმარტებით, უნივერსიტეტები სწავლების იმ რეჟიმზე დარჩებიან, რომელიც მათ ახლა აქვთ.

ამავე თემაზე:

„უნივერსიტეტები და პროფსასწავლებლები სწავლას დღემდე არსებული რეჟიმით განაგრძობენ“ – ვიცე-პრემიერი

სწავლის აღდგენის გრაფიკის ცვლილების ფონზე, ის სკოლებიც დისტანციურ რეჟიმზე დარჩებიან, სადაც საარჩევნო უბნებია განთავსებული

ონლაინ სწავლების გამო, შეიცვლება თუ არა სკოლებში ზამთრის არდადეგების ხანგრძლივობა?

დასვით კითხვა და მიიღეთ პასუხი - ედუს საცნობარო სამსახური
edu.aris.ge საგანმანათლებლო ინტერნეტ-პორტალი