თანამდებობა – კონსულტანტი – IBSU-მ გიორგი ამილახვარის რექტორად დანიშვნის ფაქტი უარყო

შავი ზღვის საერთაშორისო უნივერსიტეტი უარყოფს ინფორმაციას, რომ განათლების, მეცნიერებისა და ახალგაზრდობის ყოფილი მინისტრი, გიორგი ამილახვარი უნივერსიტეტის რექტორად დაინიშნა და EDU.ARIS.GE-სთან აცხადებენ, რომ ყოფილი მინისტრი უნივერსიტეტის კონსულტანტი იქნება. კონსულტანტი ამილახვარი კი “უნივერსიტეტს დაეხმარება ახალი გამოწვევების დაძლევასა და განვითარებაში”.
უნივერსიტეტის მიერ მოწოდებულ განმარტებას უცვლელად გთავაზობთ:
“განათლების ყოფილი მინისტრი გიორგი ამილახვარი შავი ზღვის საერთაშორისო უნივერსიტეტის კონსულტანტად დაინიშნა.
შავი ზღვის საერთაშორისო უნივერსიტეტს, რომელმაც სამი თვის წინ გაიარა ხელახალი ავტორიზაცია, ამბიციური გეგმები აქვს. გიორგი ამილახვარი, რომელსაც საგანმანათლებლო სფეროში სხვადასხვა პოზიციაზე მუშაობის 12-წლიანი გამოცდილება გააჩნია და დარგის პროფესიონალია, უნივერსიტეტს დაეხმარება ახალი გამოწვევების დაძლევასა და განვითარებაში.
შავი ზღვის საერთაშორისო უნივერსიტეტში ამჟამად ფუნქციონირებს 45 აკრედიტებული საგანმანათლებლო ქართულენივანი და ინგლისურენოვანი პროგრამა, როგორც საბაკალავრო, ისე სამაგისტრო და სადოქტორო საფეხურებზე”.
-
თეატრისა და კინოს უნივერსიტეტი: „რექტორმა მიიღო გადაწყვეტილება, არ გამოიყენოს სტუდენტების მიმართ დისციპლინური პასუხისმგებლობის უკიდურესი ზომა“ by ARIS.GE-განათლება
-
რა უნდა იცოდეთ, თუ თქვენს სკოლას ავტორიზაცია ან მონიტორინგი უწევს – კითქვა-პასუხი by ARIS.GE-განათლება
-
„მთავარი საკითხი, რასაც უმაღლესი განათლების რეფორმა შეეხება სწავლების შინაარსი იქნება“ – ირაკლი კობახიძე დეტალებზე საუბრობს by ARIS.GE-განათლება