GE
ხულოში კორონავირუსი საგანმანათლებლო რესურსცენტრის თანამშრომელს დაუდასტურდა

კორონავირუსი დაუდასტურდა ხულოს რესურსცენტრის თანამშრომელს.

როგორც EDU.ARIS.GE-მ გაარკვია, ეს ხულოში ინფექციის პირველი შემთხვევაა.

პაციენტი ბათუმში, ხოზრევანიძის კლინიკაში გადიოდა მკურნალობას, სადაც ერთი კვირის წინ ვირუსის შემთხვევა დაფიქსირდა და კლინიკა დროებით დაიხურა.

ხულოს რესურსცენტრში აცხადებენ, რომ თანამშრომელს სიმპტომები ჰქონდა, თუმცა ის დისტანციურად მუშაობდა და სხვა თანამშრომლებთან შეხება არ ჰქონია.

ვისთან ჰქონდა კონტაქტი ინფიცირებულს ეპიდემიოლოგები სწავლობენ.

ამის გათვალისწინებით, სასწავლო პროცესი დისტანციურად დაიწყება ხულოში, შუახევსა და ხელვაჩაურშიც.

ხულოს სკოლებში პედაგოგები კორონავირუსზე ტესტირებას იტარებენ. სასწავლო პროცესის დისტანციურად განახლების შესახებ გადაწყვეტილება აჭარის მთავრობის თავმჯდომარემ ცოტა ხნის წინ საკოორდინაციო საბჭოს სხდომაზე გააჟღერა:

”დაგვიფიქსირდა კორონავირუსის ერთი შემთხვევა აჭარის მაღალმთიანეთში, შესაბამისად, დღეს ოპერატიული შტაბის ფორმატში, საკოორდინაციო საბჭოსთან შეთანხმებით, მივიღეთ გადაწყვეტილება, რომ ხულოში, შუახევსა და ქედაში ხვალ სწავლა დისტანციურად დაიწყება. განათლების სამინისტრო მუშაობს და მათ აქვთ დავალებული სასწავლო დაწესებულებებში სრულ მზადყოფნაში მოიყვანონ, როგორც ტექნიკური, ასევე ინფრასტრუქტურული სიმძლავრეები. სკოლების დიდი ნაწილი მზად არის საკლასო ოთახებში განახლდეს სწავლა, მაგრამ მომატებული ეპიდრსიკების გათვალისწინებით, აჭარაში, საკლასო ოთახებში სწავლა პირველ ოქტომბერს დაიწყება”, – განაცხადა თორნიკე რიჟვაძემ.

2100-მდე მასწავლებელს, ვინც წელს აჭარის სანაპიროზე იყო, კორონავირუსზე ტესტირება ჩაუტარდება, 45 000 კი რენდომულად შემოწმდება

დასვით კითხვა და მიიღეთ პასუხი - ედუს საცნობარო სამსახური
თამარა არის© იაკობიშვილი EDU.ARIS.GE-ს რედაქტორი