2030 წლისთვის პროფესიულ პროგრამებზე ჩარიცხულთა რაოდენობა 70 ათასამდე უნდა გაიზარდოს – კიდევ რა გეგმა აქვს მთავრობას

„საქართველოს განათლებისა და მეცნიერების ერთიანი ეროვნული სტრატეგია 2022-2030-ის“ 2026-2027 წლების სამოქმედო გეგმის თანახმად, 2030 წლისთვის პროფესიულ პროგრამებზე ჩარიცხულთა რაოდენობა 70 ათასამდე უნდა გაიზარდოს.

სამოქმედო გეგმა დამტკიცებულია საქართველოს მთავრობის დადგენილებით, რომელსაც ხელს აწერს პრემიერ-მინისტრი ირაკლი კობახიძე.

დოკუმენტის მიხედვით, მიზანი მრავალფეროვანი, ინკლუზიური და ინდივიდუალურ საჭიროებებზე ორიენტირებული პროფესიული განათლების ხელმისაწვდომობის უზრუნველყოფაა, რამაც ყველა ტიპის პროფესიულ პროგრამებზე ჩარიცხულთა საერთო რაოდენობის მკვეთრი ზრდა უნდა გამოიწვიოს.

მთავრობის გეგმით, 2030 წლისთვის, 60-მდე უნდა გაიზარდოს ასევე იმ მუნიციპალიტეტების რაოდენობა, სადაც პროფესიული პროგრამების განმახორციელებელი საჯარო საგანმანათლებლო დაწესებულებები იფუნქციონირებს.

იხილეთ: დადგენილება და თანდართული დოკუმენტები

ასევე იხილეთ: 

როგორ გეგმავს განათლების სამინისტრო „უდიპლომო სასიძოს სინდრომთან ბრძოლას“ – ცვლილებების გეგმა პარლამენტშია