ალექსანდრე ჯეჯელავა: ახალ სქემაში შემოდის სამუდამოდ დამსახურებული მასწავლებლის ცნება

საქართველოს განათლების და მეცნიერების მინისტრმა დირექტორთა საბჭოს წევრებთან შეხვედრისას მასწავლებელთა სქემაში დაგეგმილ ცვლილებებზე ისაუბრა.

ერთ-ერთი სიახლედ მინისტრმა სქემაში სამუდამოდ დამსახურებული მასწავლებლის ცნების  შემოსვლა დაასახელა.

„სხვათაშორის, ესეც გადავწყვიტეთ. ახალ სქემაში შემოდის სამუდამოდ დამსახურებული მასწავლებლის ცნება. ცალკეულ შემთხვევებში შესაძლებელი იქნება, რომ ადამიანს მიენიჭოს წოდება. ეს იქნება იშვიათი და მას საერთოდ აღარ შეეხება არანაირი მოთხოვნა. საუბარია ყველაზე ზედა საფეხურზე, რა თქმა უნდა.

ანუ ადამიანი როდესაც მიაღწევს სრულიად ზედა საფეხურს, (მენტორი) უკვე მას სამუდამო სტატუსი ექნება. ამის პრაქტიკა არსებობს უმაღლეს სასწავლებლებში და ჩვენთანაც იქნება ასეთი პრაქტიკა. დიდი იმედი მაქვს, რომ იმ ხალხს, რომელმაც დიდი ხანია, დაიმსახურა ეს წოდება, ჩვენ შევძლებთ, რომ ვაღიაროთ მათი დამსახურება ამ ფორმით“, – აღნიშნა მინისტრმა.

უფროსი მასწავლებლის სტატუსის მოპოვების ალტერნატიული გზები განახლებულ სქემაში – მინისტრის განმარტება

„სქემაში რაც არის წამყვანი მასწავლებელი, სკოლების სქემაში ეს იქნება წამყვანი სკოლა“

რა ცვლილებებია სქემაში – „მასწავლებელი სკოლიდან წავა სხვა მიზეზებით, ეს სქემა სახლში არ გაუშვებს არავის“

ცისანა არის© შერგილაშვილი