„დაუყოვნებლივ უნდა მიმართოთ მიმღებ უნივერსიტეტს“ – სტუდენტთა მობილობის შედეგები ცნობილია

2022-2023 სასწავლო წლის გაზაფხულის სემესტრის სტუდენტთა მობილობის შედეგები ცნობილია. ინფორმაციას განათლების მართვის საინფორმაციო სისტემა დღეს, 10 თებერვალს ავრცელებს.

შედეგების ნახვა სტუდენტებს  ელექტრონულ პორტალზე students.emis.ge პირად სარეგისტრაციო ფანჯარაში შეუძლიათ.

“ელექტრონული პორტალის მონაცემების მიხედვით, მობილობის უფლების მოპოვების (დადებითი პასუხის) შემთხვევაში, სტუდენტმა დაუყოვნებლივ უნდა მიმართოს წერილობითი განცხადებით მიმღებ უმაღლეს საგანმანათლებლო დაწესებულებას, მის მიერ დადგენილ ვადებში და წარადგინოს პირადი საქმის ასლები”, – ნათქვამია განცხადებაში.