ვის შეუძლია მოსწავლის გაცდენილი შემაჯამებელი დავალების აღდგენა და შეფასება ელექტრონულ ჟურნალში – ვადები

განათლების მართვის საინფორმაციო სისტემა (EMIS) სასკოლო საზოგადოებისთვის ავრცელებს მნიშვნელოვან ინფორმაციას, რომელიც გაცდენილი შემაჯამებელი დავალების აღდგენასა და ელექტრონულ ჟურნალში შესაბამისი სამუშაოს ჩატარებას უკავშირდება.

EMIS-ის ცნობით, თუ მოსწავლე არ დაესწრება გაკვეთილს, რომელზეც შემაჯამებელი დავალება იყო ჩანიშნული, მასწავლებელი ვალდებულია, მოსწავლეს შემაჯამებელი დავალების აღდგენის შესაძლებლობა მისცეს.

ვის შეუძლია შემაჯამებელი დავალების აღდგენითი სამუშაოს ჩანიშვნა და შეფასება?

1. საგნის მასწავლებელს;
2. სკოლის დირექტორს/ელექტრონული ჟურნალის ადმინისტრატორს.

რა ვადებში უნდა აღდგეს შემაჯამებელი დავალება?

შემაჯამებლის აღდგენის ჩანიშვნის ვადა: არაუგვიანეს მიმდინარე სემესტრის დასრულებისა.

შეფასების ასახვის ვადა – აღდგენითი სამუშაოს ჩატარებიდან არაუგვიანეს 8 კალენდარული დღისა.

ვის შეუძლია შემაჯამებლი დავალების აღდგენის შეფასების ნახვა?

• სკოლის დირექტორსა და ადმინისტრაციას;
• საგნის მასწავლებელს;
• მოსწავლეს;
• მოსწავლის მშობელს ან კანონიერ წარმომადგენელს.

„გაითვალისწინეთ: გაცდენილი შემაჯამებელი დავალების დროულად აღდგენა მნიშვნელოვანია მოსწავლის შეფასების სრულყოფილად ასახვისა და სასწავლო პროცესის შეუფერხებლად წარმართვისთვის“, – ნათქვამია განათლების მართვის საინფორმაციო სისტემის 20 ოქტომბრის ინფორმაციაში.

ასევე იხილეთ: 

როგორია მოსწავლისა და მშობლის მიერ განსახორციელებელი აქტივობები ელექტრონულ ჟურნალში განახლებული წესით