GE
ელექტრონული ჟურნალის გამოყენების მხრივ სკოლას არჩევანის შესაძლებლობა ექნება – ეკატერინე დგებუაძე

საქართველოს განათლების მინისტრის მოადგილემ, ეკა დგებუაძემ ჟურნალისტებთან საუბარში განაცხადა, სკოლებს ელექტრონული ჟურნალების გამოყენებასთან დაკავშირებით არჩევანის შესაძლებლობას მისცემენ.

მისივე თქმით, ელექტრონული ჟურნალი იძლევა საშუალებას, მშობლებმა შვილების შეფასებისა და დასწრების შესახებ ინფორმაცია ონლაინრეჟიმში მიიღონ.

„სიახლე იქნება ახალ სასწავლო წელს, როდესაც სკოლებს შევთავაზეთ ელექტრონულ ჟურნალზე გადასვლა. წელს იქნება გარდამავალი პერიოდი და ეს ხისტად არ იქნება ყველასთვის, რომ ელექტრონული ჟურნალი გამოიყენონ. არჩევანის შესაძლებლობას ვაძლევთ სკოლებს, გამოიყენებენ ელექტრონულ ჟურნალს, თუ დარჩება ტრადიციულად, ნაბეჭდი ჟურნალი. სიახლე არის ძალიან საინტერესო. ეს არის კარგად ორგანიზებული სივრცე ელექტრონული ჟურნალისა, სადაც მოხდება არა მარტო ნიშნების ასახვა, არამედ შექმნილია უკვე სატელეფონო აპლიკაცია. როდესაც მშობელი ჩამოტვირთავს, ყველა ინფორმაციას მიიღებს შვილის შესახებ. ეს იქნება იქნება დასწრება, კომენტარები და ასე შემდეგ. მშობელს დამრიგებლის მხრიდან ყოველდღიურად ექნება ინფორმაცია სკოლაში მისი შვილის მოსწრებასთან დაკავშირებით. ეს არის პროექტი, რომელიც გარკვეულ ვადებში უნდა დაგვენერგა, მაგრამ არსებულმა ვითარებამ მოგვცა იმის შესაძლებლობა, რომ ძალიან სწრაფ რეჟიმში უკვე გადავიდეთ ელექტრონულ ჟურნალზე. დაიწყება ახლა მასწავლებლების გადამზადების პროცესი, ანუ ვებინარები, ვიდეოები ჩაიწერება“, – განაცხადა დგებუაძემ.

ელექტრონული ჟურნალის წარმოებას სკოლები წელს დაიწყებენ, 2021-2022 სასწავლო წლისთვის კი სასკოლო ჟურნალი სულ გაუქმდება

წყარო: 1ტვ

დასვით კითხვა და მიიღეთ პასუხი - ედუს საცნობარო სამსახური
ანუკი წიწილაშივილი Aris.ge-განათლების ჟურნალისტი