GE

facebook-ზე გამოქვეყნებული პოსტის გამო მასწავლებლის საქმეს სკოლის დისციპლინური კომიტეტი განიხილავს

ზუგდიდის პირველი საჯარო სკოლის ქიმიის მასწავლებლის მიერ მე-12 კლასელებისადმი მიძღვნილი პოსტი საყოველთაო განხილვისა და სკოლის დისციპლინური კომიტეტის შეკრების მიზეზი გახდა.

სოციალურ ქსელში გამოქვეყნებულ პოსტში,  რომელიც ხათუნა ქვარცხავამ 21 მაისს გამოაქვეყნა და მალევე წაშალა, ნათქვამი იყო, რომ ის სიხარულს განიცდის იმის გამო, რომ გარკვეული მოსწავლეების ნახვა აღარ მოუწევს. მასწავლებელი იმასაც წერდა, რომ ზოგიერთი მათგანის სახელი და გვარის ხსენებაც კი ზარავს:

“ჩემთვის 26 გამოშვება. უცნაური დღევანდელი მდგომარეობის გამო და არამხოლოდ. არ ირეკება ბოლო ზარი, არ ვწერთ კეთილ სურვილებს მოხატულ პერანგებზე, რაც ყოველთვის გულისამაჩუყებელი იყო და ცრემლებს მგვრიდა. დღეს ეს განცდა არ მაქვს, პირიქით, ვფიქრობ და მიხარია რომ მომავალ სასწავლო წელს მათ გარეშე შევხვდები (რა თქმა უნდა, დიდ უმრავლესობას არ ეხება) .ზოგიერთი მათგანის სახელის და გვარის ხსენებაც მზარავს. თუმცა მყავს ფავორიტებიც. ჩემს ანდრიას, დათუნას, გიგას, სანდროს, ბადუკას, ვანოს ვუსურვებ წარმატებებს, წინსვლას ცხოვრებაში. თუ 18 წლის არ ვარგიხარ, ვერც 78 წლისა ივარგებ. თქვენ უკვე ხართ 18 წლის, ხართ კარგი ადამიანები, კაცური კაცები, თქვენ იცით, პირველ რიგში ეს არის მთავარი და არა, ვთქვათ ქიმიამცოდნეობა. თქვენ შეგიძლიათ თავაწეულებმა იაროთ, სიკეთე და ბედნიერება მოუტანოთ თქვენს ირგვლივ მყოფ ადამიანებს, იარეთ, იარეთ, იარეთ, ამინ!”, – წერდა სოციალურ ქსელში ხათუნა ქვარცხავა.

იმის მიუხედავად, რომ მასწავლებელმა პოსტი მალევე წაშალა, ზუგდიდის პირველი საჯარო სკოლის დისციპლინური კომიტეტი იმსჯელებს იმის შესახებ, რა სანქცია გატარდება მასწავლებლის მიმართ.

წყარო: რუსთავი 2

დასვით კითხვა და მიიღეთ პასუხი - ედუს საცნობარო სამსახური
ანუკი წიწილაშივილი Aris.ge-განათლების ჟურნალისტი