კავკასიის საერთაშორისო უნივერსიტეტმა რადიკალური ღვინის მე-6 ფესტივალში მიიღო მონაწილეობა

10 თებერვალს ესპანეთის დედაქალაქ მადრიდში, კავკასიის საერთაშორისო უნივერსიტეტმა რადიკალური ღვინის მე-6 ფესტივალში მიიღო მონაწილეობა, სადაც საქართველო პირველად წარსდგა სტუმარი ქვეყნის სტატუსით. აღსანიშნავია, რომ ფესტივალზე უნივერსიტეტის მიერ წარმოდგენილმა ღვინოებმა – „რქაწითელი“, „კახური მწვანე“, „საფერავი“ – დეგუსტატორთა განსაკუთრებული მოწონება დაიმსახურა.

რადიკალური ღვინის მე-6 ფესტივალზე კავკასიის საერთაშორისო უნივერსიტეტის წარმომადგენლები იყვნენ მევენახეობა-მეღვინეობის ფაკულტეტის დეკანი ოლან გოცირიძე, უნივერსიტეტის ოფიციალური წარმომადგენელი ესპანეთში ქეთევან გორგილაძე, კანცლერი მრჩეველი ენდრიუ გრეემი და საერთაშორისო ურთიერთობების დეპარტამენტის უფროსის მოადგილე თამარ ლაღიძე.