კსუ-ის დოქტორანტებმა ზაპოროჟიეს ნაციონალური უნივერსიტეტის მიერ ორგანიზებულ X საერთაშორისო სამეცნიერო კონფერენციაზე მოხსენებები წარადგინეს
კავკასიის საერთაშორისო უნივერსიტეტის პოლიტიკის მეცნიერების სადოქტორო პროგრამის დოქტორანტებმა, ალექსანდრე რუსეცკიმ და მაია ურუშაძემ, ზაპოროჟიეს ნაციონალური უნივერსიტეტის (უკრაინა) მიერ ორგანიზებულ X საერთაშორისო სამეცნიერო კონფერენციაზე – „ქვეყნის მომავლის სოციალური პროგნოზირება – სამშვიდობო პროცესის ტექნოლოგიები”, – მოხსენებები წარადგინეს.
სამეცნიერო კონფერენციაზე ალექსანდრე რუსეცკი წარსდგა თემით – „აფხაზეთის სეცესიონისტების და იუნიონისტების საერთაშორისო პოლიტიკა“, ხოლო მაია ურუშაძე – „პოსტსაბჭოთა ქვეყნების პოლიტიკური დღის წესრიგი და შიშის ფაქტორი ფრეიმ-თამაშებში“.
დოქტორანტებმა კონფერენციაზე მოხსენებები დისტანციური ჩართვით გააკეთეს და შესაბამისი დამადასტურებელი სერტიფიკატებიც მიიღეს.
აღსანიშნავია, რომ ალექსანდრე რუსეცკისა და მაია ურუშაძის აქტიური კვლევითი სამუშაოები პოლიტიკის მეცნიერების სადოქტორო პროგრამის ფარგლებში ხორციელდება, ასევე საერთაშორისო კონფერენციაში მონაწილეობა წარმოადგენს კავკასიის საერთაშორისო უნივერსიტეტის ინტერნაციონალიზაციის სტრატეგიის ხელშემწყობ ინიციატივას, უახლოეს პერიოდში კი ზაპოროჟიეს ნაციონალური უნივერსიტეტის სამეცნიერო გამოცემაში მათი ახალი სტატიები გამოქვეყნდება.
- CIU-ს საკალათბურთო კლუბი “CIU BC კავკასია” პლეი-ოფის ნახევარფინალშია by კავკასიის საერთაშორისო უნივერსიტეტი
- კავკასიის საერთაშორისო უნივერსიტეტს ნიაგარას კოლეჯის (კანადა) დელეგაცია ესტუმრა by კავკასიის საერთაშორისო უნივერსიტეტი
- კონკურენტული ინოვაციის ფონდის (CIF) საგრანტო კონკურსში CIU-ს თანამონაწილეობით წარდგენილმა პროექტმა გაიმარჯვა by კავკასიის საერთაშორისო უნივერსიტეტი