კსუ-ის ორგანიზებით ესპანელი მეღვინე ალვარ დე დიოს ერნანდესი ონლაინ მასტერკლასს გამართავს

24 აპრილს, 20:00 სთ-ზე, კავკასიის საერთაშორისო უნივერსიტეტის მევენახეობა-მეღვინეობის ფაკულტეტის ორგანიზებითა და ესპანური განათლებისა და კულტურის ცენტრ „იბერიას“ მხარდაჭერით, გაიმართება ესპანელი მეღვინის, ალვარ დე დიოს ერნანდესის ონლაინ მასტერკლასი.

ონლაინ მასტერკლასზე დასწრება კსუ-ის სტუდენტებთან ერთად, შესაძლებელია მევენახეობა-მეღვინეობით დაინტერესებული ნებისმიერი მსურველისთვის. ონლაინ მასტერკლასზე რეგისტრაციისთვის მიწერეთ კსუ-ის მევენახეობა-მეღვინეობის ფაკულტეტს, Facebook გვერდზე.

შეხვედრაზე უზრუნველყოფილი იქნება ქართული თარგმანი.