GE

კსუ-ის სტუდენტები ზუგდიდის მერის სტიპენდიას 9 თვის განმავლობაში მიიღებენ

ზუგდიდის მუნიციპალიტეტის მერიაში განსაკუთრებული ნიჭის მქონე ახალგაზრდების კომისია გაიმართა, სადაც 48 სტუდენტს მერის სტიპენდია მიენიჭა. მათ შორის არიან კსუ-ის სტუდენტები: ბაკურ ხუბულავა, გიგა გოგუა, ერეკლე ჭულუხაძე, ნინი კოზმავა, რომლებმაც წინა წლის ქულების მიხედვით გაიმარჯვეს კონკურსში და სტიპენდიას 9 თვის განმავლობაში მიიღებენ.

„ჩვენი მიზანია, ხელი შევუწყოთ ახალგაზრდებს, რათა ისინი იყვნენ კონკურენტუნარიანები როგორც ადგილობრივ, ისე საერთაშორისო დონეზე. წელს თითქმის გასამმაგდა სტიპენდიანტების რაოდენობა, რაც მისასალმებელია. რაც უფრო წარმატებული და მოტივირებულია ახალგაზრდობა, მით მეტი შანსი აქვს ქვეყანას, გახდეს მდიდარი და ძლიერი სახელმწიფო. მუნიციპალიტეტის განვითარების საქმეში ახალგაზრდების ჩართვა საზოგადოებისათვის მნიშვნელოვან სფეროებში არსებულ გამოწვევებს უფრო სწრაფად დაგვაძლევინებს, მათი ცოდნა ძალიან გამოადგება როგორც ქალაქს, ისე მთელ ქვეყანას“, – განაცხადა ზუგდიდის მერმა გიორგი შენგელიამ.

დასვით კითხვა და მიიღეთ პასუხი - ედუს საცნობარო სამსახური