კსუ-ის სტუდენტი, ერეკლე ხიტალიშვილი სტუდენტური ჩემპიონატის გამარჯვებული გახდა ბილიარდში

10-12 თებერვალს საქართველოს საუნივერსიტეტო სპორტის ფედერაციის, ასევე, საქართველოს განათლების, მეცნიერების, კულტურისა და სპორტის სამინისტროს მხარდაჭერით, საბილიარდო კლუბ “რიო”-ში გაიმართა სტუდენტური ჩემპიონატი ბილიარდში.

კავკასიის საერთაშორისო უნივერსიტეტის სახელით ტურნირში მონაწილეობა გიგი და ერეკლე ხიტალიშვილებმა მიიღეს.

პირველ ეტაპზე, ჩვენმა მონაწილეებმა უდანაკარგოდ იასპარეზეს და ყველა მოგებით თავიანთ ქვეჯგუფებში პირველი ადგილები დაიკავეს. ნახევარფინალში ძმები ერთმანეთს დაუპირისპირდნენ, სადაც გამარჯვება ერეკლე ხიტალიშვილმა მოიპოვა.

ფინალურ შეხვედრაში ერეკლემ საქართველოს მრავალგზის ჩემპიონი დავით ავაკიანი 7-4 დაამარცხა და ტურნირის გამარჯვებული გახდა, გიგიმ კი მესამე ადგილისთვის გამართული შეხვედრა წარმატებით დაასრულა და ბრინჯაოს მედალს დასჯერდა