კსუ-ის სტუდენტმა აკადემიკოს ივანე ბერიტაშვილის სახელობის სტიპენდია მოიპოვა

აკადემიკოს ივანე ბერიტაშვილის სახელობის სტიპენდიის მიმნიჭებელი კომისიის წარდგინების თანახმად, კსუ-ის მედიცინის ფაკულტეტის სტუდენტმა სანდრო ჯიბღაშვილმა განვლილი სამი სემესტრის შედეგებითა და საუნივერსიტეტო აქტივობებით მოიპოვა ივანე ბერიტაშვილის სახელობის საუნივერსიტეტო სტიპენდია.

აღსანიშნავია, რომ სანდრო ჯიბღაშვილს სტიპენდიის სახით ერთი წლის სწავლის საფასური დაუფინანსდება.

კავკასიის საერთაშორისო უნივერსიტეტი ულოცავს სანდრო ჯიბღაშვილს სტიპენდიის მოპოვებას და უსურვებს აკადემიურ და კარიერულ წინსვლას!