კსუ-ის ვებინარი დისტანციური სამედიცინო კლინიკური განათლების გამოწვევების შესახებ

კავკასიის საერთაშორისო უნივერსიტეტის მედიცინის ფაკულტეტის დეკანმა, ლალი მეკოკიშვილმა და ხარისხის უზრუნველყოფის სამსახურის კოორდინატორმა მედიცინის ფაკულტეტის მიმართულებით, ნინო ნანავამ კლინიკური საგნების ლექტორებთან ვებინარი გამართეს, სადაც დისტანციურად სამედიცინო კლინიკური განათლების გამოწვევები განიხილეს.

ვებინარზე იმსჯელეს კლინიკური სწავლების კომპონენტისა და მისი შეფასების მექანიზმებზე. კლინიკური საგნების ლექტორებს მიეცათ რეკომენდაციები, როგორ უნდა ჩართონ სტუდენტები კლინიკაში მისვლის გარეშე პაციენტის მენეჯმენტში, როგორ უნდა მოხდეს მათი კლინიკური აზროვნებისა და პროფესიონალიზმის შეფასება.