კსუ-მ ინგლისურენოვანი ონლაინ ლექცია გაიმართა თემაზე: „როგორ დავწეროთ წარმატებული სამოტივაციო წერილი?“

კავკასიის საერთაშორისო უნივერსიტეტის ინგლისურენოვანი ონლაინ ლექცია გაიმართა თემაზე: „როგორ დავწეროთ წარმატებული სამოტივაციო წერილი?“.

ონლაინ ლექციას სკაუტური მოძრაობის მსოფლიო ორგანიზაციის რესურსების მოზიდვის მენეჯერი, კრისტინა პიტალსკაია უძღვებოდა.

სპიკერმა კონკრეტული მაგალითების საფუძველზე ყურადღება გაამახვილა სამოტივაციო წერილის შედგენის ტექნიკაზე, საჭირო უნარ-ჩვევებსა და პოტენციურ დამსაქმებელთან / ორგანიზაციასთან ურთიერთობაზე.

ონლაინ ლექცია კავკასიის საერთაშორისო უნივერსიტეტის კარიერული განვითარების სამსახურის ორგანიზებით გაიმართა.