კსუ თბილისის დავით აღმაშენებლის სასწავლო უნივერსიტეტის სტუდენტებისთვის რიგგარეშე მობილობას აცხადებს

კავკასიის საერთაშორისო უნივერსიტეტი შპს „თბილისის დავით აღმაშენებლის სასწავლო უნივერსიტეტის“ სტუდენტებისათვის აცხადებს რიგგარეშე მობილობას შემდეგ საგანმანათლებლო პროგრამებზე:

• მენეჯმენტის საბაკალავრო საგანმანათლებლო პროგრამა – 40 ადგილი. საგანმანათლებლო პროგრამაზე მიღება შესაძლებელია სწავლების I – IV წელს;
• ფინანსების საბაკალავრო საგანმანათლებლო პროგრამა – 30 ადგილი. საგანმანათლებლო პროგრამაზე მიღება შესაძლებელია სწავლების I – IV წელს;
• ტურიზმის საბაკალავრო საგანმანათლებლო პროგრამა – 30 ადგილი. საგანმანათლებლო პროგრამაზე მიღება შესაძლებელია სწავლების I – IV წელს;
• სტომატოლოგიის ერთსაფეხურიანი საგანმანათლებლო პროგრამა – 50 ადგილი. საგანმანათლებლო პროგრამაზე მიღება შესაძლებელია სწავლების I – V წელს;

მობილობის პროცესის ადმინისტრირებისათვის არ იქნება გამოყენებული ელექტრონული პორტალი.

რიგგარეშე მობილობის მსურველებს შესაძლებლობა აქვთ გამარტივებული წესით გაიარონ რეგისტრაცია კავკასიის საერთაშორისო უნივერსიტეტში. კერძოდ, შესაბამისი ფაკულტეტის ელ-ფოსტაზე: [email protected] ან [email protected] 1-ლი ივლისიდან 17 ივლისის ჩათვლით გადმოაგზავნონ შემდეგი დოკუმენტები:

• პირადობის დამადასტურებელი მოწმობის/პასპორტის ასლი;
• ფოტოსურათის 3X4 ელექტრონული ვერსია;
• სამხედრო აღრიცხვის მოწმობის ასლი (ვაჟებისათვის);
• საშუალო განათლების დამადასტურებელი დოკუმენტის (ატესტატი) ქსეროასლი;
• ამონაწერი მშობლიურ უნივერსიტეტში ჩარიცხვის ბრძანებიდან;
• სტუდენტის სტატუსის ცნობა დამოწმებული ბეჭდით;
• ამონაწერი მშობლიური უნივერსიტეტის სასწავლო ბარათიდან დამოწმებული ბეჭდით.

რიგგარეშე მობილობა ხორციელდება სსიპ – განათლების მართვის საინფორმაციო სისტემის დირექტორის 2020 წლის 26 ივნისის ბრძანება №1.1/64 -ის საფუძველზე.