საგარეჯოს მუნიციპალიტეტის ორ სოფელში, კორონავირუსის შემთხვევების გამო, სწავლა დისტანციურ რეჟიმში გადავიდა

საგარეჯოს მუნიციპალიტეტის სოფელ მუღანლოს საჯარო სკოლის რამდენიმე მასწავლებელს კორონავირუსი დაუდასტურდა.

ვირუსი აღმოაჩნდათ ამავე მუნიციპალიტეტის სოფელ ყანდაურას სკოლის მოსწავლესა და მის მშობლებს, ამიტომ ეპიდემიოლოგების რეკომენდაციით, ორივე საგანმანათლებლო დაწესებულებაში სასწავლო პროცესი დისტანციურად წარიმართება.

სკოლებში დაგეგმილია საკალასო ოთახებისა და დერეფნების სპეციალური ხსნარებით დამუშავება.

საგარეჯოს მუნიციპალიტეტში 26 საჯარო სკოლიდან 16-ში სასწავლო პროცესი ჩვეული რეჟიმით გრძელდება, ხოლო 10 საჯარო სკოლაში სწავლა რამდენიმე კვირაა დისტანციურად მიმდინარეობს.

წყარო: imedinews