„სამართალი ფილმებში“ – IBSU-ში აბიტურიენტებისთვის ზამთრის სკოლაში რეგისტრაცია დაიწყო

შავი ზღვის საერთაშორისო უნივერსიტეტის სამართლის ფაკულტეტის ორგანიზებით, გაიხსნა ზამთრის სკოლა – „სამართალი ფილმებში“.

„სამართალი ფილმებში“ არის 8 სესიისგან შემდგარი სასწავლო კურსი, რომლის ფარგლებში მონაწილეებს (აბიტურიენტებს და შავი ზღვის საერთაშორისო უნივერსიტეტის სტუდენტებს) შესაძლებლობა ექნებათ, სხვადასხვა სამართლებრივი საკითხების შემცველი ფილმების ყურების საფუძველზე, მოახდინონ სამართლებრივ საკითხებზე მსჯელობა და ანალიზი.

კურსის მიზანია, მონაწილეებს შესძინოს ფართო თეორიული ცოდნა სამართლის თანამედროვე ტენდენციების, სხვადასხვა დარგებში არსებული სამეცნიერო თუ პრაქტიკულ გამოწვევებისა და განვითარების ეტაპების შესახებ; გამოუმუშაოს კერძო, სისხლის და საჯარო სამართლის სფეროში არსებული რთული და გაუთვალისწინებელი პრობლემების ანალიზის, მათი გადაწყვეტის შესაბამისი მიდგომების განვითარების, ასევე საკუთარი სამართლებრივი დასკვნების თაობაზე იურიდიული ტერმინოლოგიის გამოყენებით ზეპირი და წერითი ფორმით კომუნიკაციის უნარი; გამოუმუშაოს სამართლის ნორმების, წყაროების, მეთოდების ანალიზის, საქმის ფაქტობრივი გარემოებების დადგენის, მათი შეფასების, სამართლებრივ დავაში პოზიციების დასაბუთების, სამართლებრივ საკითხებზე გადაწყვეტილების მიღებისა და დასაბუთების უნარი და გამოუმუშაოს საკუთარი ცოდნის მუდმივად განახლების უნარი.

კურსს გაუძღვებიან ასოცირებული პროფესორი, სამართლის დოქტორი, სერგი ჯორბენაძე და პროფესორი, სამართლის დოქტორი უშანგი ბახტაძე.

ლექციები ჩატარდება 1-28 თებერვალს, Google Meet პლატფორმის მეშვეობით.
კვირაში ორი შეხვედრა, ჯამში 4 საათი.

შემაჯამებელი შეხვედრა გაიმართება შავი ზღვის საერთაშორისო უნივერსიტეტის საკონფერენციო დარბაზში.

დაინტერესებული კანდიდატი უნდა იყოს იურიდიული პროფესიით დაინტერესებული აბიტურიენტი ან შავი ზღვის საერთაშორისო უნივერსიტეტის სამართალმცოდნეობის საბაკალავრო პროგრამის სტუდენტი.

დაინტერესებულმა პირებმა რეგისტრაცია უნდა გაიარონ არაუგვიანეს 24 იანვრის 18:00 საათისა

სკოლის წარმატებით დასრულების შემდეგ კურსდამთავრებულებს გადაეცემათ სერთიფიკატები.