GE

თსუ-ის ეკონომიკისა და ბიზნესის ფაკულტეტის ორგანიზებით ონლაინ სადისკუსიო პანელი „პანდემია, მსოფლიო ეკონომიკა და საქართველო“ გაიმართება

27 მაისს 18:00 საათზე ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებით ონლაინ სადისკუსიო პანელი „პანდემია, მსოფლიო ეკონომიკა და საქართველო“ გაიმართება, რომელშიც თსუ-ის რექტორი გიორგი შარვაშიძე, თსუ-ის ეკონომიკისა და ბიზნესის ფაკულტეტის დეკანი გიორგი ღაღანიძე, საქართველოს ეკონომიკისა და მდგრადი განვითარების მინისტრი ნათია თურნავა, პოლონელი რეფორმატორი, თსუ-ის საპატიო დოქტორი, პროფესორი ლეშეკ ბალცეროვიჩი და ეკონომისტი, პოლიტიკისა და მართვის კონსალტინგ ჯგუფის (PMCG) გენერალური დირექტორი ალექსი ალექსიშვილი მიიღებენ მონაწილეობას.

დისკუსიაზე მოწვეული სტუმრები ისაუბრებენ თუ როგორი იქნება პოსტ-პანდემიური მსოფლიო ეკონომიკა – მსოფლიო დეგლობალიზაციის პირისპირ თუ გლობალიზაცია ახალ საუკუნეში, როგორია საქართველოს მთავრობის გეგმები ეკონომიკის აღდგენასთან დაკავშირებით და რა ახალი შესაძლებლობები გაუჩინა პანდემიამ საქართველოს ეკონომიკას, ასევე რა გავლენა მოახდინა პანდემიამ განათლების სფეროზე საქართველოსა და მსოფლიოში და რა ახალი გამოწვევების წინაშე დგას განათლების სექტორი.

ღონისძიების Live-ში გავა თბილისის სახელმწიფო უნივერსიტეტის ოფიციალურ Facebook გვერდზე.

დასვით კითხვა და მიიღეთ პასუხი - ედუს საცნობარო სამსახური
ივანე ჯავახიშვილის სახელობის თბილისის სახელმწიფო უნივერსიტეტი