თსუ საერთო საცხოვრებელში მცხოვრებ სტუდენტებს შეღავათებს სთავაზობს

ივანე ჯავახიშვილის სახელობის თბილისის სახელმწიფო უნივერსიტეტის სტუდენტები საერთო საცხოვრებლებში სპეციaლური შეღავათებით ისარგებლებენ.

საქართველოში COVID 19-ით გამოწვეული მძიმე სოციალური და ეკონომიკური მდგომარეობის გათვალისწინებით, 1-ლი მაისიდან 1-ლი სექტემბრამდე სტუდენტური საერთო საცხოვრებლის საფასურის გადახდისგან გათავისუფლებულები იქნებიან:

• საქართველოს ოკუპირებულ ტერიტორიებზე მცხოვრებ და სოციალურად დაუცველის სტატუსის მქონე სტუდენტებს (70 ათასამდე სარეიტინგო ქულით) ასევე იმ სტუდენტებს, რომლებმაც დღევანდელი ვითარებიდან გამომდინარე დაკარგეს სამსახური ან იმყოფებიან უხელფასო შვებულებაში.
• სტუდენტური საერთო საცხოვრებლის საფასური გაუნახევრდებათ: ერთი ოჯახიდან ორ ან მეტ სტუდენტს ან სოციალურად დაუცველის სტატუსის მქონე სტუდენტებს (70 ათასზე მეტი სარეიტინგო ქულით).
• ხოლო საერთო საცხოვრებელში მაცხოვრებელი ყველა სხვა სტუდენტი 30%-იანი ფასდაკლებით ისარგებლებს.

თბილისის სახელმწიფო უნივერსიტეტში აცხადებენ, რომ სოციალური საშეღავათო პაკეტის შექმნა სტუდენტურ საერთო საცხოვრებელში მცხოვრები სტუდენტების დასახმარებლად რესურსების მობილიზებას, საკუთარი სტუდენტების საჭიროებების უზრუნველყოფასა და მათთვის სწავლის ხელშეწყობას ისახავს მიზნად.