ტურიზმის საერთაშორისო დღესთან დაკავშირებით კსუ-მ ონლაინ ლექცია გამართა თემაზე: „ტურიზმის პოსტპანდემიური გამოწვევები“

28 სექტემბერს ტურიზმის საერთაშორისო დღესთან დაკავშირებით კავკასიის საერთაშორისო უნივერსიტეტის კარიერული განვითარების სამსახურისა და ბიზნესის ფაკულტეტის ორგანიზებით ონლაინ ლექცია გაიმართა თემაზე: „ტურიზმის პოსტპანდემიური გამოწვევები“, რომელსაც საქართველოს ტურიზმის ასოციაციის თავმჯდომარე ნატა კვაჭანტირაძე უძღვებოდა.

სპიკერმა ახალი რეალობიდან გამომდინარე ტურიზმის გამოწვევებსა და ამ გამოწვევებზე ადეკვატურ რეაგირებაზე ისაუბრა, ასევე, ყურადღება გაამახვილა ტურიზმის ასოციაციის მნიშვნელობასა და როლზე.

ონლაინ შეხვედრის დასასრულს დამსწრე სტუდენტები ტურიზმის ასოციაციის წევრობითა და მისი უპირატესობებით დაინტერესდნენ, რაზეც სტუმრისგან ამომწურავი პასუხები მიიღეს.