GE
თანამედროვე განათლების აკადემია ნიკო კეცხოველის 2020 წლის სასკოლო პრემიის კონკურსში ჩაერთო

თანამედროვე განათლების აკადემია ჩაერთო ნიკო კეცხოველის 2020 წლის სასკოლო პრემიის კონკურსში. კონკურსის წლევანდელი თემაა – თანამშრომლობა მდგრადი განვითარების მიზნებისთვის (UN SDGs).

კონკურსის მიზანია:

  • გარემოსდაცვითი განათლებისა და სამოქალაქო ჩართულობის მხარდაჭერა,
  • მდგრადი განვითარების მიზნების შესახებ ცნობიერების ამაღლება ახალგაზრდებში და ადგილობრივ თემში,
  • გარემოსდაცვითი და სათემო ინიციატივების, პროექტების მართვის, დოკუმენტაციის წარმოების, წერის, ვიზუალიზაციის, კომუნიკაციის უნარების განვითარება სკოლაში და ადგილობრივ საზოგადოებაში.

კონკურსში მონაწილეობენ აკადემიის მე-8, მე-9 და მე-10 კლასის მოსწავლეები, გეოგრაფიისა და სამოქალაქო განათლების და მათემატიკის მასწავლებლები.

აღნიშნულ თემასთან დაკავშირებით პროექტში ჩართულმა გუნდმა აკადემიის მოსწავლეებს და თანამშრომლებს გააცნო პროექტის მიზნები და სამოქმედო გეგმა.

ვინაიდან, 11 ნოემბერი არის ენერგოეფექტურობის დღე, მოსწავლეებმა ვრცლად ისაუბრეს ნიკო კეცხოველის პრემიის კონკურსის ფარგლებში დაგეგმილ ერთ-ერთ პროექტზე ენერგო ეფექტურობასთან დაკავშირებით.მოსწავლეებმა იმსჯელეს ენერგოეფექტურობის მნიშვნელობაზე და ფიზიკის მასწავლებელთა ერთად მოსწავლეებს და მასწავლებლებს გააცნეს პროექტის აქტივობები.

ენერგოეფექტურობის დღისადმი მიძღვნილ ღონისძიებებს შეუერთდნენ დაწყებითი საფეხურის მოსწავლეებიც, რომლებმაც შექმნეს პოსტერები.

“თანამედროვე განათლების აკადემია ზრუნავს მოსწავლეების პროგრესზე, ჩვენ მუდმივად ვმუშაობთ, რათა მოსწავლეებმა შეძლონ სამყაროს შეცვლა ჩვენი დახმარებით!”, – აღნიშნავენ სკოლაში.

 

თანამედროვე განათლების აკადემია