ჯანდაცვის სამინისტრო სკოლებისთვის რეკომენდაციებს 4 სექტემბრის შემდეგ გაცემს

საქართველოს ჯანდაცვის მინისტრმა ეკატერინე ტიკარაძემ სწავლის დაწყების ფორმატთან დაკავშირებით მორიგი კომენტარი დღეს, 16 აგვისტოს გააკეთა და ჟურნალისტებთან ამჯერად, მცირე პასუხით შემოიფარგლა. როგორც მინისტრმა განაცხადა, ჯანდაცვის სამინისტროს რეკომენდაციების გაცემა 4 სექტემბრის შემდეგ შეეძლება.

„ჯერ უნდა დაველოდოთ 4 სექტემბრისთვის რა მდგომარეობა გვექნება და ამის შემდეგ შემიძლია კონკრეტულად გითხრათ, რა რეკომენდაციებს გასცემს ჯანდაცვის სამინისტრო. მე ვთვლი, ნაადრევია ამაზე საუბარი“, – განაცხადა ეკატერინე ტიკარაძემ.

Stopcov.ge-ზე გამოქვეყნებული ინფორმაციის თანახმად, ქვეყნის მასშტაბით, ბოლო 24 საათში კორონავირუსით ინფიცირების 2 676 ახალი დადასტურებული შემთხვევა გამოვლინდა, ხოლო ვირუსით გარდაცვალების 30 ახალი შემთხვევა დაფიქსირდა. ამავე პერიოდში, ვირუსისგან გამოჯანმრთელდა 4 119 პირი. დადებითობის დღიური მაჩვენებელი არის – 10.4%.

ამავე თემაზე: 

ჯანდაცვის მინისტრი განმარტავს, რას გააკეთებს სამინისტრო სწავლის სკოლებში გასაახლებლად

იმისთვის, რომ სკოლა და უნივერსიტეტი იყოს უსაფრთხო, ყველა მასწავლებელი, პროფესორი და სტუდენტი უნდა იყოს აცრილი – პაატა იმნაძე