როგორია საქართველოში ახალგაზრდების უმუშევრობის დონე – საქსტატის უახლესი მონაცემები

საქართველოს სტატისტიკის ეროვნულმა სამსახურმა 15 მაისს გამოაქვეყნა უახლესი მონაცემები საქართველოში დასაქმების სტატისტიკის შესახებ, რომლის თანახმადაც, 2024 წელს საქართველოში უმუშევრობის დონე 2023 წელთან შედარებით 2.5 პროცენტული პუნქტით შემცირდა და 13.9 პროცენტი შეადგინა

ანგარიშის “სამუშაო ძალის მაჩვენებლები (დასაქმება და უმუშევრობა) 2024 წელი უმუშევრობის დონე საქართველოში” თანახმად, 2024 წელს უმუშევრობის დონე ყველაზე მაღალია 15-19 წლის ასაკობრივ ჯგუფში 36.3 პროცენტი.

უმუშევრობის დონე საკმაოდ მაღალია 20-24 წლის ახალგაზრდებში და 26,9%-ს შეადგენს.

19%-ზე მეტია დაუსაქმებელი 25-29 წლის ასაკობრივ კატეგორიაში, 30-34 წლის ახალგაზრდებში კი უმუშევრობის დონე 17,7 პროცენტია.

უმუშევრობის დონე ასაკობრივი ჯგუფების მიხედვით (%)