გამარჯობა თეო,
მე-11 კლასელთა კომპიუტერთან ადაპტირებულ გამოსაშვებ გამოცდაზე, ისევე როგორც მეთორმეტეკლასელებთან, მინიმალური ზღვარი არის 5.5 ქულა.
როგორ ხდება ჩაჭრის ზღვარის განსაზღვრა: ჩაჭრის ზღვარი წინასწარ დგინდება კომპიუტერული სიმულაციების გამოყენებით. ტარდება ცდები, თუ რა შედეგს მიიღებდა მოსწავლე, რომელიც სრულიად შემთხვევით სცემს პასუხებს დავალებებზე. ბევრი ასეთი (2000 ან მეტი) ცდის ჩატარების შემდეგ დგინდება ისეთი სიდიდე, რომელსაც „შემთხვევითად მოპასუხე“ მოსწავლეთა დიდი უმრავლესობა (მაგალითად 95%) ვერ გადალახავდა. სწორედ ეს სიდიდე იგივდება 5.5-ქულასთან და ხდება ჩაჭრის ზღვარი.