გამარჯობა,
როგორც გამოცდების ცენტრში ამბობენ, იმის გათვალისწინებით, რომ ზოგადი უნარების გასწორება სკანერით ხდება, შეცდომის გაპარება თითქმის ნულის ტოლია, რაც თავისთავად გამორიცხავს გასაჩივრების შემდეგ განსხვავებული ქულის მიღებას, ანუ მომატებას. თუმცა გასაჩივრება მაინც არ გეკრძალებათ, უბრალოდ, როდესაც ქულა არ იცვლება აპელაციის თანხა 50 ლარი, უკან არ გიბრუნდებათ და ეს გაითვალისწინეთ. გამსვლელი ქულები ზოგად უნარებში ვარიანტების მიხედვით ასეთია:
ზოგადი უნარების გამოცდაში ზღვარი გადალახულად ითვლება, თუ აბიტურიენტმა მიიღო:
- 6 ივლისის პირველ სესიაში (თავდაპირველი გრაფიკით III ვარიანტი) – 24 ქულა და მეტი;
- 6 ივლისის მეორე სესიაში (თავდაპირველი გრაფიკით IV ვარიანტი) – 23 ქულა და მეტი;
- 7 ივლისის პირველ სესიაში (თავდაპირველი გრაფიკით I ვარიანტი) – 23 ქულა და მეტი;
- 7 ივლისის მეორე სესიაში (თავდაპირველი გრაფიკით II ვარიანტი) – 22 ქულა და მეტი.