2019 წელს საჯარო სკოლებში გაკვეთილებიდან გაპარვის 5 545 შემთხვევა დაფიქსირდა

2019-2020 სასწავლო წლებში (იანვრის თვემდე) საჯარო სკოლის მოსწავლეების მხრიდან გაკვეთილიდან გაპარვის 5545 შემთხვევა დაფიქსირდა,  2018-2019 სასწავლო წლებში კი – 10352.

აღნიშნულ სტატისტიკას მანდატურის სამსახური იმ საჯარო სკოლებში აწარმოებს, სადაც თანამშრომლები ჰყავს. უწყების ინფორმაციით, 2018-2019 სასწავლო წლებში დაფიქსირებულია მოსწავლეების მხრიდან გაკვეთილის ჩაშლის ან ჩაშლის მცდელობის 5896 შემთხვევა, ხოლო 2019-2020 სასწავლო წლებში (იანვრის თვემდე)  გაკვეთილის ჩაშლის ან ჩაშლის მცდელობის – 3058 ფაქტი.

საქსტატის ინფორმაციით, საქართველში სულ 2086 საჯარო სკოლაა და იქ 530, 1 ათასი ბავშვი სწავლობს. 2019 წლის მდგომარეობით მანდატურის თანამშრომლები 588  საჯარო სკოლაში მუშაობენ და სტატისტიკური მონაცემებიც დაახლოებით ამ ოდენობის საჯარო სკოლებიდანაა აღებული.

თ.ვ.