აკრედიტებული უმაღლესი საგანმანათლებლო პროგრამების ხელახალი აკრედიტაციის ეტაპები განისაზღვრა – პროგრამები და კლასტერის ვადები
უმაღლესი საგანმანათლებლო პროგრამების კლასტერული აკრედიტაციის დანერგვის მიზნით, საქართველოს განათლებისა და მეცნიერების მინისტრის ბრძანებით დამტკიცდა აკრედიტებული უმაღლესი საგანმანათლებლო პროგრამების ხელახალი აკრედიტაციის ეტაპები და სწავლის სფეროების მიხედვით განისაზღვრა საგანმანათლებლო პროგრამების აკრედიტაციის ვადების გადანაწილება 2022-2028 წლებზე.
როგორც განათლების ხარისხის განვითარების ცენტრის მიერ ოთხ ივლისს გავრცელებულ ინფორმაციაშია ნათქვამი, ასევე, საქართველოს განათლებისა და მეცნიერების მინისტრის ბრძანებით განისაზღვრა 2022 წლის 1 ივნისის მდგომარეობით აკრედიტებული უმაღლესი საგანმანათლებლო პროგრამებისა და ქართულ ენაში მომზადების საგანმანათლებლო პროგრამების ხელახალი აკრედიტაციის ვადები 2022-2028 წლების განმავლობაში. აღსანიშნავია, რომ ხელახალი აკრედიტაციის ვადები არ გავრცელდა იმ საგანმანათლებლო პროგრამებზე, რომლებსაც 2022 წლის 1 ივნისის მდგომარეობით მინიჭებული ჰქონდათ პირობითი აკრედიტაცია ან აკრედიტაცია მინიჭებული ჰქონდათ ცენტრის მიერ აღიარებული უცხოური ხარისხის უზრუნველყოფის ორგანიზაციის მიერ.
ბრძანება სწავლის სფეროების განაწილების თაობაზე
ბრძანება პროგრამების ჩამონათვალის დამტკიცების თაობაზე
2022-2028 წლებზე გადანაწილებული უმაღლესი საგანმანათლებლო პროგრამებისა და ქართულ ენაში მომზადების საგანმანათლებლო პროგრამების ჩამონათვალი ინდივიდუალურად გაეგზავნება ყველა უმაღლეს საგანმანათლებლო დაწესებულებას.
ასევე იხილეთ:
- 500-მდე მსურველიდან პროფესიული განათლების ხარისხის უზრუნველყოფის სპეციალისტის სტატუსი 25 პირმა მოიპოვა by განათლების ხარისხის განვითარების ეროვნული ცენტრი
- როგორ დავადასტუროთ უცხო ქვეყნის ან საერთაშორისო პროგრამების მიხედვით მიღებული სრული ზოგადი განათლება საქართველოში – პროცედურა by განათლების ხარისხის განვითარების ეროვნული ცენტრი
- SDASU-ს მედიცინის ერთსაფეხურიან საგანმანათლებლო პროგრამას აკრედიტაციის მინიჭებაზე უარი ეთქვა by განათლების ხარისხის განვითარების ეროვნული ცენტრი