GE

არასრულწლოვანთა მართლმსაჯულების პროცესში მანდატურის სამსახურის ფსიქოლოგები ჩაერთვებიან

სახელმწიფო მანდატურის სამსახურსა და საგანმანათლებლო დაწესებულების მანდატურს შორის გაფორმებული მემორანდუმის თანახმად, სახელმწიფო ინსპექტორის წარმოებაში არსებული სისხლის სამართლის საქმეების გამოძიების პროცესში მანდატურის სამსახურის ფსიქო-სოციალური ცენტრის ფსიქოლოგებიც ჩაერთვებიან.

როგორც სახელმწიფო ინსპექტორის სამსახურის ხელმძღვანელი ლონდა თოლორაია აცხადებს, მნიშვნელოვანია, რომ განათლების სფეროში დასაქმებულთა ცნობიერება, მონაცემთა დაცვის თვალსაზრისით ამაღლდეს. ამიტომ, მანდატურის სამსახურის ფსიქოლოგებს საშუალება მიეცემათ ჩაერთონ საგამოძიებო და საპროცესო მოქმედებებში.

,,მანდატურის სამსახურის ფსიქოლოგები დაესწრებიან არასრულწლოვანთა მონაწილეობით საგამოძიებო და საპროცესო მოქმედებებს, რაც გაუმარტივებს არასრულწლოვნებს მართლმსაჯულების პროცესში მონაწილეობას. ასევე აქტიურად ვმუშაობთ, რომ ავამაღლოთ ამ მხრივ განათლების სფეროში დასაქმებულთა ცნობიერება“, – განაცხადა ლონდა თოლორაიამ.

თავის მხრივ, მანდატურს სამსახურის ხელმძღვანელი აცხადებს, რომ ეს მემორანდუმი არასრულწლოვანთა მონაცემების დაცვის მიმართულებით მდგომარეობას გააუმჯობესებს.

ა.წ.

დასვით კითხვა და მიიღეთ პასუხი - ედუს საცნობარო სამსახური
ანუკი წიწილაშივილი Aris.ge-განათლების ჟურნალისტი