გამოქვეყნდა ზოგადი განათლების ახალი ეროვნული მიზნების პროექტი – დოკუმენტი

გამოქვეყნდა ზოგადი განათლების ეროვნული მიზნების განახლებული დოკუმენტის პროექტი, რომელიც განათლებისა და მეცნიერების სამინისტრომ მთავრობას 26 თებერვალს წარუდგინა.

ზოგადი განათლების ეროვნული მიზნების პროექტი

ჩამოსატვირთი ვერსია

განათლების მინისტრმა დღეს მოუწოდა მშობლებს, განათლების დარგის სპეციალისტებსა და სასკოლო საზოგადოებას, რომ მიაწოდონ თავიანთი შეხედულებები, თუ როგორ შეიძლება დაიხვეწოს განახლებული დოკუმენტის პროექტი: “სწორედ, ფართო საზოგადოების თანამონაწილეობით მიღებულ დოკუმენტს დაეფუძნება ეროვნული სასწავლო გეგმა და ყველა საგნის სტანდარტი, თუ სახელმძღვანელო”.

განათლების სამინისტრო კი განმარტავს, რომ მათი მიზანია, დოკუმენტის ახალი პროექტის შემუშავების პროცესში ჩართულნი იყვნენ სასკოლო საზოგადოების წარმომადგენლები და ყველა დაინტერესებული მხარე. შესაბამისად, აღნიშნული პროექტი გაეგზავნება საჯარო და კერძო სკოლებს და ასევე განთავსდება საჯაროდ.

“ნებისმიერ მსურველს აქვს შესაძლებლობა, 26 თებერვლიდან 7 მარტის ჩათვლით სამინისტროს ოფიციალურ ელ.ფოსტაზე – pr@mes.gov.ge გამოაგზავნოს საკუთარი შენიშვნა/რეკომენდაცია დოკუმენტის პროექტის შესახებ. მიღებული უკუკავშირების დამუშავებისა და გაანალიზების შემდეგ საბოლოო ვერსია დასამტკიცებლად პარლამენტს წარედგინება”, – წერია გიორგი ამილახვარის უწყების მიერ გამოქვეყნებულ ინფორმაციაში.

ამავე თემაზე:

ირაკლიკობახიძე: „ზოგადი განათლების სისტემამ ქვეყანას უნდა აღუზარდოს მოქალაქე, რომელიც იზრუნებს ეროვნული იდენტობის შენარჩუნებაზე“

„სრული ქაოსია“ – რა უნდა გვახსოვდეს, როდესაც ზოგადი განათლების ახალ ეროვნულ მიზნებში მოსწავლის ღირებულებების ჩამოყალიბებაზე ვწერთ

„ისტორია მნიშვნელოვანი ინსტრუმენტია მოსწავლის იდენტობის ჩამოყალიბების პროცესში“ – მკვლევარი გამოწვევებზე საუბრობს

რას უნდა ემსახურებოდეს გაკვეთილები და როგორ მასწავლებელს შეუძლია, მოსწავლეს საგნის ღირებულება აჩვენოს – ლევან გიგინეიშვილის მოსაზრება