განათლების მინისტრს მეხუთე ვაჟი შეეძინა – კომიტეტის მილოცვა გივი მიქანაძეს

საქართველოს განათლების, მეცნიერებისა და ახალგაზრდობის მინისტრს, გივი მიქანაძეს მეხუთე ვაჟი შეეძინა.

ამის შესახებ 5 ნოემბრის კომიტეტის სხდომაზე გახდა ცნობილი, სადაც განათლების, მეცნიერებისა და ახალგაზრდულ საქმეთა კომიტეტის თავმჯდომარემ, მარიამ ლაშხმა მინისტრს ვაჟის შეძენა დეპუტატების სახელით მიულოცა.

“მინდა, კომიტეტის სხდომის სახელით, ჩვენს განათლების, მეცნიერებისა და ახალგაზრდობის მინისტრს მივულოცო მეხუთე ვაჟის შეძენა, წარმატებები ვუსურვო ბატონ გივის, მის ოჯახს, ჯანმრთელობა და მშვიდობიან ქვეყანაში ცხოვრება”, – განაცხადა მარიამ ლაშხმა სხდომის დაწყებამდე.