,,გვცივა“ – გორში სკოლის მოსწავლეებმა საპროტესტო აქცია გამართეს
გორის მეშვიდე საჯარო სკოლის მოსწავლეებმა საპროტესტო აქცია გამართეს.
ბავშვებმა სკოლაში გათბობის გათიშვა გააპროტესტეს და დირექციას სახლებში გაშვება მოსთხოვეს. მოსწავლეების პროტესტს შეუერთდნენ მშობლებიც.
სკოლის დირექტორის განცხადებით, სკოლაში პრობლემა მალე აღმოიფხვრება და სასწავლო პროცესი ხვალ აღდგება. სკოლაში შექმნილი ვითარების შესახებ მოსწავლეებმა განათლების სამინისტროსაც აცნობეს.
,,გვცივა და ამის გამო გვინდა სახლში გაშვება. გათბობა არ არის. აქცია გავმართეთ ამ მოთხოვნით“, – გვითხრას ერთ-ერთმა მოსწავლემ.
,,სკოლაში ხარვეზი ძალიან მალე გამოსწორდება და გაცდენილი დღე შაბათის ხარჯზე ანაზღაურდება. გათბობა მაღალი ძაბვის გამო გავთიშეთ, რადგან გვეშინოდა სისტემა არ გადამწვარიყო“, – ამბობს სკოლის დირექტორი.
მოამზადა ნიკა გაბლიშვილმა
