მოზარდები საქართველოს მოსახლეობის 20%-ს შეადგენენ

სტატისტიკის ეროვნულმა სამსახურმა საქართველოს მოსახლეობის რაოდენობის შესახებ ახალი მონაცემები გამოაქვეყნა. 2020 წლის 1-ლ იანვრის მდგომარეობით, ჩვენი ქვეყნის მოსახლეობა 3 მილიონ 716.9 ათას კაცს შეადგენს, რაც წინა წლის შესაბამისი პერიოდის მაჩვენებელთან შედარებით, 0.2 პროცენტით ნაკლებია.

2020 წლის 1-ლი იანვრის მდგომარეობით, 0-14 წლის მოსახლეობის წილი მთელ მოსახლეობაში 20.4 პროცენტს შეადგენს, შრომისუნარიან ასაკში მყოფი მოსახლეობის წილი (15-64 წლის ასაკობრივი ჯგუფი) − 64.5 პროცენტს, ხოლო 65 წლის და უფროსი ასაკის მოსახლეობის წილი – 15.1 პროცენტს.

2020 წლის 1-ლი იანვრის მდგომარეობით, საქართველოს მოსახლეობის 59.0 პროცენტი ცხოვრობდა საქალაქო დასახლებებში. ამასთან, ქალაქ თბილისის მოსახლეობა მთლიანი მოსახლეობის თითქმის მესამედს წარმოადგენს.

თ. ვ.