მეფე თამარის სახელობის სკოლა-პანსიონის მოსწავლეებმა და პედაგოგებმა პატივი მიაგეს იუნკერთა ხსოვნას

2017 წლის 24 თებერვალს საქართველოს საპატრიარქოს წმიდა კეთილმსახური მეფე თამარის სახელობის სკოლა-პანსიონის მოსწავლეებმა და პედაგოგებმა კოჯორში, გმირთა მემორიალთან, პატივი მიაგეს სამშობლოსათვის დაღუპულ იუნკერთა ხსოვნას.

სკოლა-პანსიონის დირექტორმა, დეკანოზმა მირიან სამხარაძემ, სამშობლოსათვის თავდადებული იუნკრების სულის მოსახსენებელი პანაშვიდი გადაიხადა.

მოსწავლეებს 1921 წლის თებერვლის რუსეთ-საქართველოს ომისა და საქართველოს ოკუპაციის შესახებ ესაუბრნენ სკოლა-პანსიონის ზოგადი განათლების მენეჯერი მარიამ ანთაძე, კლასგარეშე მუშაობის კოორდინატორი რუსუდან რევაზიშვილი, ისტორიის პედაგოგი დავით ფერაძე და სკოლა-პანსიონის მე-10 კლასის მოსწავლე ნიკოლოზ ფესტვენიძე.

სკოლა-პანსიონის მოსწავლეებმა და პედაგოგებმა გვირგვინით შეამკეს გმირთა მემორიალი.

სკოლის სხვა ამბები