ქართულ-ამერიკულ სკოლაში მოსწავლეებს პოზიტიური ურთიერთობების განმტკიცებაზე სკოლის ფსიქოლოგმა ესაუბრა

ქართულ-ამერიკულ სკოლაში სკოლის ფსიქოლოგი ნინო ფირცხალაიშვილი შეხვდა III და IV კლასის მოსწავლეებს და ესაუბრა „ჯგუფში პოზიტიური ურთიერთობების განმტკიცების“ შესახებ.

შეხვედრები დატვირთული იყო მრავალფეროვანი და საინტერესო აქტივობებით, რაც მიზნად ისახავდა მოსმენის, ყურადღების, თანამშრომლობის, პატივისცემის, თანადგომის უნარის განვითარებას. მოსწავლეებმა გაიაზრეს აღნიშნული თვისებების მნიშვნელობა თანატოლებთან ურთიერთობისას.