ქართულ-ამერიკულ უმაღლეს სკოლაში ICYS-ის პროექტების აპრობაცია გაიმართება

10 მარტს, 15:30 საათზე ქართულ-ამერიკული უმაღლესი სკოლის სააქტო დარბაზში გაიმართება 2016 წლის ახალგაზრდა მეცნიერთა საერთაშორისო კონფერენციაზე (ICYS) წარსადგენი თემების წინასწარი საჯარო განხილვა.

აღნიშნული კონფერენცია ტარდება რუმინეთში ქ. კლუჟ-ნაპოკაში 16-22 აპრილს, რომელშიც 30 ქვეყანა მონაწილეობს.

ჩვენი სკოლის 8 მოსწავლე ინგლისურ ენაზე დაიცავს საპროექტო ნაშრომებს მათემატიკის, ფიზიკისა და სამყაროს მეცნიერებათა სექციებში:

1. მათემატიკაში – Diophantine Equation Involving Four Biquadrates and a Square –
   ნიკიტა ტრიპათჰი, ნიკოლოზ კალატოზიშვილი;
2. მათემატიკაში – Pythagorean Triple Siblings, with Conjugate Legs –
   გიორგი ბუგეჩაშვილი, ნათია ჭეიშვილი;
3. სამყაროს მეცნიერებებში – ,,Defining Polyphenols in some Sorts of Georgian Grapes’’-
   მარიამ ვარდოსანიძე, ნინო ქერდიყოშვილი;
4. ფიზიკაში – Chaos: A Thin Barrier Between Order and Disorder –
   გიორგი ბიჭიაშვილი, გეგა ლელაშვილი;

მოსწავლეებს საშუალება ექნებათ მოისმინონ რეკომენდაციები, რათა უფრო დაიხვეწოს მათი საპრეზენტაციო უნარები.

წარმატებას ვუსურვებთ ქართველ მოსწავლეებს და იმედს გამოვთქვამთ, რომ ისევე როგორც წინა წლებში საქართველოს ნაკრები კვლავაც ოქროს მედლით დაგვიბრუნდება!