ქართულ-ამერიკულ უმაღლეს სკოლაში მართლწერის ნაციონალური კონკურსი ინგლისურ ენაში – NESC გაიმართა
მართლწერის ნაციონალური კონკურსი ინგლისურ ენაში – NESC, ამერიკის საელჩოს სპონსორობით ყოველწლიურად იმართება.
მასში საქართველოს საჯარო და კერძო სკოლების ათასობით მოსწავლე იღებს მონაწილეობას და ერთმანეთს ინგლისური სიტყვების მართლწერაში ეჯიბრება. კონკურსი სამ ეტაპიანია, თითოეული ეტაპის გამარჯვებულები გადადიან შემდეგ ტურში: ადგილობრივი, რეგიონალური და ეროვნული ტური.
2015 წლის 12 დეკემბერს ქართულ-ამერიკულმა უმაღლესმა სკოლამ უმასპინძლა აღნიშნული შეჯიბრის ქ. თბილისის რეგიონალურ ტურს.
გამოვლინდა თბილისში გამარჯვებული 4 მოსწავლე:
ანა ოსიაშვილი XII კლასი – ქართულ-ამერიკული უმაღლესი სკოლა
ნატალია ჭიჭინაძე XI კლასი – დემირელის სახელობის კოლეჯი
ნუცა ლატარია IX კლასი – დემირელის სახელობის კოლეჯი
ელენე ჯიშკარიანი VIII კლასი – ქართულ-ამერიკული სკოლა
ქართულ-ამერიკული უმაღლესი სკოლა ულოცავს მათ ამ დიდ წარმატებას და ჩვენს მოსწავლეებს ვუსურვებთ გამარჯვებას ეროვნულ ტურზე, რომელიც 2016 წლის მარტში გაიმართება.
