ქართულ-ამერიკული სკოლის მესამეკლასელებმა ილია ჭავჭავაძის შესახებ პრეზენტაციები და კედლის გაზეთი მოამზადეს

ქართულ-ამერიკული სკოლის III⁵ კლასში, პედაგოგ სოფიო ომიაძის ხელმძღვანელობით, განხორციელდა პროექტი ,,ილია ჭავჭავაძე’’.

პროექტის ფარგლებში, მოსწავლეები გაეცნენ პრეზენტაციას დიდი მწერლის ცხოვრებისა და შემოქმედების შესახებ, გააკეთეს ინდივიდუალური პრეზენტაციები და კედლის გაზეთი.

პროექტის ბოლოს კი მოსწავლეები ესტუმრნენ ილია ჭავჭავაძის სახლ-მუზეუმს საგურამოში და მოილოცეს წმინდა ილია მართლის სახელობის ტაძარი.