GE
5 მარტი, 2020 13:21

ქართულ-ამერიკული სკოლის მოსწავლეები მსოფლიოში ყველაზე მასშტაბურ გაეროს მოდელირების კონფერენციაში იღებენ მონაწილეობას

მსოფლიოში ყველაზე მასშტაბური გაეროს მოდელირების კონფერენცია ამერიკის შეერთებული შტატების ქალაქ ნიუ-იორკში, გაეროს შტაბ -ბინაში, მიმდინარეობს. კონფერენციას 3500-მდე ახალგაზრდა ლიდერი ესწრება. მათ შორის 18 ქართველი ლიდერი, რომელიც დაკომპლექტებულია ქართულ-ამერიკული უმაღლესი და ქართულ-ამერიკული სკოლის IX-XI კლასის მოსწავლეებით.

კონფერენციის ფარგლებში მონაწილეები ჩართული არიან გაეროს საკომიტეტო სამუშაოებსა და დებატებში, წარადგენენ მოხსენებებს, იღებენ რეზოლუციებს.

პროექტის მონაწილეები დაბინავებული არიან მანჰეტენზე, სასტუმრო HILTON-ში. თავისუფალ დროს მონაწილეებს საშუალება ეძლევათ მოინახულონ ნიუ-იორკის ღირსშესანიშნაობები.

“წარმატებები ჩვენს ლიდერებს! ჯანმრთელები და გამარჯვებულები დაგვიბრუნდით”, – ნათქვამია სკოლის განცხადებაში.

ქართულ-ამერიკული სკოლა