ქართულ-ამერიკული სკოლის მოსწავლეებმა კაბადოკია მოინახულეს

ქართულ-ამერიკული სკოლის მე-11 კლასის მოსწავლეებმა კაბადოკია ესტუმრნენ.

მათ მოინახულეს ვულკანური წარმოშობის კოშკის ფორმის კლდეები, გორემეს ეროვნული პარკი, კლდეში ნაკვეთი ქალაქები, ძვ. წ. I ათასწლეულში დაარსებული მიწისქვეშა ქალაქები და ბევრი სხვა უნიკალური ისტორიულ-კულტურული ძეგლი.

გზად საქართველოს ისტორიულ-გეოგრაფიული უძველესი მხარის – ტაოს, თანამედროვე თურქეთის ტერიტორიაზე მდებარე უძველესი ქართული მონასტრებიც მოინახულეს: ბანა, საქართველოს ერთ-ერთი საეკლესიო და სახელმწიფოებრივი ცენტრი; ოშკი, x საუკუნის 50-60-იანი წლების ქართული ხუროთმოძღვრების უმნიშვნელოვანესი ძეგლი; ხახული, შუა საუკუნეების მონასტერი, ხუროთმოძღვრების ძეგლი, ქართული კულტურის მნიშვნელოვანი კერა და საოცარი შთაბეჭდილებებით დატვირთულნი დაბრუნდნენ.

როგორც სკოლაში განმარტავენ, ასეთი ტიპის გასვლითი ღონისძიებების მოწყობა ძალიან მნიშვნელოვანია და მოსწავლეებს დიდ საგანმანათლებლო გამოცდილებას სძენს.