ქართულ-ამერიკული სკოლის მოსწავლეებმა მონაწილეობა მიიღეს საერთაშორისო რუსულენოვან პროექტში „Капсула добра“

ქართულ-ამერიკული სკოლის მოსწავლეები უკვე მეორე წელია წარმატებით მონაწილეობენ საერთაშორისო რუსულენოვან პროექტში „Капсула добра“. შემეცნებით-შემოქმედებითი პროექტის მიზანია გაუღვივოს მოსწავლეებს მხატვრული ლიტერატურისა და შემოქმედების ინტერესი, ასწავლოს მათ, დააფასონ მშობლიური ქვეყნის ტრადიციები, გაეცნონ სხვა ქვეყნების ტრადიციებს პროექტში წარმოდგენილი ზღაპრებისა და სპექტაკლების საშუალებით.

„Капсула добра”- ში მონაწილე სხვადასხვა ქვეყნის სკოლებთან ერთად წელს საქართველო ქართულ-ამერიკული სკოლის მე-7ა კლასის მოსწავლეებმა წარადგინეს. მათ წარმოადგინეს პრეზენტაციები, ქართული ხალხური ზღაპრის მიხედვით დადგმული რუსულენოვანი სპექტაკლი, გადაიღეს ვიდეორგოლი მისალმებით და მონაწილეობა მიიღეს პროექტში წარმოდგენილი ქვეყნების სკოლებს შორის შემდგარ ტელე-ხიდში. პროექტს ხელმძღვანელობდა რუსული ენის პედაგოგი თეა აქიაშვილი.

დასასრულს, მე-7ა კლასის მოსწავლეებს გადაეცათ პროექტის ორგანიზატორების მიერ გამოგზავნილი მადლობის სიგელები და წიგნი, რომელშიც დაიბეჭდა სკოლების მიერ წარმოდგენილი ზღაპრები.